محمد فتحى زهران
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 عزومة عالماشى بس البنت طيبة جداااااااااااااا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسير العيون
Admin
avatar

المساهمات : 282
تاريخ التسجيل : 06/05/2011

مُساهمةموضوع: عزومة عالماشى بس البنت طيبة جداااااااااااااا    الجمعة مايو 13, 2011 12:44 pm


بنات الايام دى ربنا يرحمنا

في يوم من الأيام قرر "محب" إنه يعزم "حبيبته" على الغدا وياريته ما عمل كده لإن البنت دى مش عاجبها العجب ولا الصيام فى رجب زى مابيقولو شوفوا الحوار وأحكموا بنفسكوا

"هو": تطلبي إيه؟
"هي": مش عارفة إنت هاتطلب إيه؟
"هو" : أنا هاطلب بيتزا
"هي": ماشي وأنا كمان
"هو": طيب
"هي": ولا أقولك بلاش
"هو": ليه عاوزه حاجة تانية
"هي": لأ مش عارفه
"هو": انتي جعانة
"هي": إممم مش عارفه
"هو": يعني إيه مش عارفة أكيد الواحد بيعرف هو جعان ولا لأ
"هي": نص نص
"هو": يعني أطلبلك معايا
"هي": لأ
"هو": خلاص
"هي": ولا أقولك يمكن أجوع كمان شوية
"هو": خلاص هاطلبلك وعقبال ما يجي الأكل تكوني جوعتي
"هي": طيب أفرض لما يجي الأكل أكون لسه ما جوعتش!
"هو": خلاص خلي الأكل قدامك ولما تجوعي إبقي كلي
"هي": ما كده الأكل هايبرد
"هو": خلاص نطلب أكل تاني
"هي": بس كده يبقى تبذير
"هو": نبقى نأخد الاكل البارد معانا تيك أواي ونبقى نأكله بعدين
"هي": طيب إفرض ما كانش ليا نفس للبيتزا بعدين
"هو": خلاص أكلها أنا
"هي": وأنا ما أكلش
"هو": جننتيني يعني اطلبلك ولا بلاش
"هي": بلاش احسن
"هو": خلاص أنا هاطلب لنفسي علشان انا جعت جدا
"هي": ماشي
"هي": بس أطلب بيتزا بالتونة
"هو": بس أنا مابحبش البيتزا بالتونة
"هي": بس أنا بحبها
"هو": بس أنا إللى هاكلها
"هي": ما يمكن على ما ييجي الأكل أكون جعت وأكل معاك
"هو": هو أنتي عاوزة تأكلي ولا لأ
"هي": إحتمال
"هو": يعني أنا لازم أطلب بيتزا بالتونة علشان إنتي (إحتمال) تأكلي معايا
"هي": أيوه بالظبط
"هو": طيب لو أنتي جوعتي وأكلتي البيتزا بتاعتي أنا هاكل إيه؟
"هي": ما انا ممكن ما أكلش أصلا معاك
"هو": رحمتك يا رب
"هي": مالك فيه إيه ؟؟
"هو": يعني دلوقتي لو أنتي ما أكلتيش أنا هاكل بيتزا مش بحبها
"هي": يعني أنت تاكل و أنا ما أكلش؟
الرجوع الى أعلى الصفحة اذهب الى الأسفل
http://mohamedzahran.forumegypt.net
 
عزومة عالماشى بس البنت طيبة جداااااااااااااا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
همس العيــــــــــــــــــــــــــــــــــون :: ضحــــــــــك ولعــــــــب :: موضوعات كوميديا-
انتقل الى: